No.6792/2020-2021

Aizawl, the 7th December 2020: District Sainik Welfare & Resettlement, Aizawl District Office chuan Armed Forces Flag Day 2020 puala ram venghimtu sipai te leh an chhungte chhawmdawlna atana thilpek petu zawng zawng te chungah a hnuaia mi ang hian thuchhuah siamin lawmthu an sawi.

December ni 7 hi India Ram pumah Armed Forces Flag Day hman thin a ni a, he ni hi kan ram venghimtu kan sipaite indona leh kan ram tana nunna hlan ta te pual a hman thin a ni. He mi ni hian heng kan sipai huaisen ram tana nunna hlan tu te nupui fanau/chhungte tan te, Sipai ramtuileilo chhawmdawlna atan thawhlawm khawn thin a ni. Kumin hian hrileng vangin kum dang angin thawhlawm (donation) khawn theih a ni lova. Mahse, mahni inphal te tan chuan a pek theih reng a ni.

Vawiin ni hian ram pum a Armed Forces Flag Day pualin, kan awmna hmun a mipui ten, kan sipaite inpekna hi hre thar leh in mahni phal ang ang te vehbur (donation box)-ah thlak thin a ni. Kumin pawh hian he ni ropui tak hi kan Larsap zahawm tak Pu. PS Sreedharan Pillai pawhin he ni hi ngai pawimawh in sum tam tham tak District Sainik Welfare & Resettlement Officer hnenah a hian a ni. Tin, ani mai ni lo kan Sawrkar hruaitu Minister zahawm tak tak te leh MLA, kan sawrkar officer lian te pawhin Armed Forces Flag Day pual hian thahnem ngai takin thawhlawm hi an rawn hlan bawk a ni.

Aizawl District huam chhung a Armed Forces Flag Day hman ni hian World War-II hun laia Mizo sipai huaisen leh Pasaltha la dam mi 28 an la awm a, kum 90 chunglam vek niin kum 100 tlingte pawh an awm bawk a ni. District Sainik Welfare & Resettlement chuan kan sipai huaisen leh pasaltha World War-II Veterans la dam te hnenah chawimawina thil pek a hlan a ni. Sainik Director Lt.Cdr.Dr.Lalnuntluanga leh DSW&RO Pi. Maj Rebecca Chhakchhuak te chuan World War - II veteran lo kal te hnenah thilpek hi District Sainik Office Khatla-ah an hlan a. Ram tana nunna hlantute leh kuttual leichhama awm kan sipai huaisen zawng zawng te u kan hre reng che u a he ni pual hian zahna chibai kan buk a che u.

Armed Forces Flag Day pual a mi thahnem ngai tak takte atanga tanpuina pawisa fai rawn hlantute zawng zawng chungah District Sainik Welfare & Resettlement chuan lawmthu kan sawi bawk e.