Assam Rifles Public School (ARPS), Shillong chuan 2012-2013 session,Class IV atanga Class IX inkar admission ti duh tan February 12, 2012 zing dar 10 hian Assam Rifles School, Zodin Square -ah Entrance Exam a buatsaih dawn a. AR category zirlai te tan Exam fee chawi a ngai lova, Civil mi te tan erawh cheng 2000 Exam fee chawi a ngai thung ang. Entrance Exam bei duh te chuan Exam Fee keng hian Exam tan hun zing dar 10 rik hma darkar khatah Exam Hall thlen hman tur a ni. Hrechiang duh chuan Phone number 0389-2320611 ah leh 0389-2320676 ah te Assam Rifles School, Zodin Square Principal biak pawh theih a ni.

Below Poverty Line (BPL) chhungkua atanga Assam Rifles Public School (ARPS)-a Class VI zir duh tan North Eastern Council (NEC) chuan an zirna senso a tum sak dawn a, hemi atan hian February 26, 2012 zing dar 10 hian Assam Rifles School, Zodin Square-ah Entrance Test neih tur a ni. Diltu chu Class 5 passed, kum 11 aia naupang lo, nu leh pa kum 1 thawhchhuah cheng 60,000 aia tam lo a ni tur a ni. BPL Card kengin Exam Hall-ah Exam tan hma darkar khat aia tlai lovah an thleng hman ngei tur a ni. Ngaihven duh tan Phone number 0389-230611 ah leh 0389-232037 ah te Assam Rifles School, Zodin Square Principal biak pawh theih a ni.