Nizan khan Art and Culture Minister Pu R.Lalzirliana'n Mizoram Mixed Martial Arts (MMA) Gym Challenge- 3  Aizawl ah a hawng.

MMA Gym Challenge-3 hi SPES Martial Arts Gym, Dawrpui ah neih a ni a, Mizoram bakah Tripura leh Meghalaya atangin infiam mite an tel a ni.

He Gym Challenge hawngtu Art and Culture Minister chuan tunlaiin Aizawl khawchhungah khawlaia mi sual rawn thin thalai te an awm thu a sawi a, hengte hi dan  in phal lova, hrem theih an ni a ti a. Chutih laiin dan hnuai ngeia mimal leh mimal mahni nun inthunun chunga hriselna kawng zawha MMA fight thei Mizo thalai tam tak chu awm lawmawm a tih thu a sawi a, hma lam pan zel turin a fuih nghal a ni.  Khuallian hian fighter zawng zwng hnenah Rs500 a pe theuh bawk a ni.

Mizoram State Mixed Martial Arts Association (MISMA) technical chairman Pu Samuel Lalrozama chuan kar kalta maiah khan India rama amateur fight night liante nen MISMA chu contract an sign thu a sawi a, Gym Challenge-a ti thate hi ram pawna event lian zawk -Underground Fight Night, X1 International leh Fight of Knights-ah te an tel thei dawn ani tiin hlawh bakah senso tum sak an nih tur thu a sawi bawk. MISMA President Lalthakima chuan MISMA official-te chu India ram pum huap pawha zahpuiawm loh an tiin August ni 8-ah GC-4 neih leh tur ani tih a sawi.

Nizan inelna-ah hian infiammi 20 an tel a, chuta ti tha te hente hi an ni:- “1. Riljuirani Halam ( Tripura) “2. Wankitupar Markhap (Meghalaya) “3.  William Nongrum chuan (Meghalaya“4. Danny Chakma (Tripura) “5. RB Lallianzova (Mizoram) “6. Jotina Klein (Meghalaya) “7.  Lalawmpuia (Mizoram) “8.  Hmingmuanawma (Mizoram) “9. Mithun Singha (Tripura)“10. George Lalmuanawma (Mizoram).