Vawiin chawhma dar 10:30 khan ni 4 chhung awh tur 4-Day Key Resource Persons Training for Art and Health & Physical Instructor hawnna programme chu District Project Office Training Hall, Aizawl Chaltlang ah neih a ni.
He training hawnna hi Pi Lalsangpuii Sailo, Principal DIET-in a kaihruai a, training koh chhante a sawifiah hnuah, Pu V. Lalsiamthara, Addl. State Project Director, Mizoram SSA Mission chuan thu sawiin India rama zirna hmasawn chho zelin RTE leh CCE te a rawn hrin chhoh dan leh hemi atana Mizoram zirnain hma kan sawnpui theih dan turte a sawi.
Training hawnna a khuallian Pi Malsawmtluangi, Director, SCERT chuan thu sawiin zirna kaihhnawih office hrang hrang leh school-a thawkte hian an hna chelh lai theuh hi zirlaite tana malsawmna thlentu ni tura hnathawk kan nih kan in hriatreng a pawimawh thu a sawi a.Zirlaite mahnia intodelh thei mi ni tura buatsaih a tul thu a sawi bakah CCE kalpui mekah hian naupang ten school kal leh lehkha zir nuam an tih theina tura kalpui a pawimawh thu a sawi.
Pu Rosiamliana Ralte, Sr. Lecturer, DIET, Aizawl chuan lawmthu sawina a nei a ni.
He training hi District hrang hranga DIET leh District Resource Centre (DRC) atanga Lecturer-te bakah Mizoram SSA hnuaia BRC Coordinator-te tana buatsaih a ni a. Training hi ni 4 chhung awh tur a ni a, he training ah hian Art Education leh Health & Physical Education zirna kalpui dan tur hrang hrang zirho a ni dawn a ni.
