Aizawl khawpui than zel dan tur ruahmanna Aizawl Vision 2030 Master Plan, IIT Kharagpur siam chu UD&PA Minister Pu Zodintluanga office chamber-ah vawiin khan UD&PA Department leh Public Works Department officer ten power point presentation an thlirho. Power Point Presentation hi Pu George Lalzuia, Town Planner Member, Aizawl Development  Authority-in a pe.
Aizawl khawpui than zel dan tur ruahmanna master plan kalpui chhoh a nih chuan kum 2030-ah zawh fel theih tur a ni. He master plan-ah hian Aizawl khawpui chu zone 10 ah thenin a tahtawlin development hna hi thawh tur a ni. Khawpui chhung motor veivak tam lutuk tihzia nan leh mipui pung chho zel pawh sem zai a nih theihna turin ruahmanna hrang hrang siam a ni.

Minister chuan Aizawl Vision 2030 Master Plan tihlawhtling tur hian sorkar department hrang hrang a kaihhnawih a, chuvangin department hrang hrang thawhho that a tulzia a sawi a, a bik takin Land Revenue & Settlement Department te, Public Works Department te, Public Health Engineering Department leh UD&PA Department te chu kawikawm thin ang maia tanrual a ngaih thu a sawi a ni.

Aizawl Vision 2030 Master Plan presentation-ah hian Pu R.L. Rinawma, IRS Commissioner, UD&PA etc.; Pu P. Lalchhuanga, MCS, Director, UD&PA leh officer dangten UD&PA Minister hi an tawiawm a ni.