675/2023-2024

Aizawl The 3rd June 2023: JAMx Industry (LPS-8 channel media partner) buatsaihin vawiin khan Vaivakawn Auditorium-ah Hliappui Lal Suakphunga Sailo Documentary leh Mizo Film ‘Rauthla’ tlangzarhna hun chu Art & Culture Minister Pu R Lalzirliana chuan khuallian niin a hmanpui a, AMC Mayor Pu Lalrinenga Sailo chu khualzahawm a ni.

He inkhawmah hian Hliappui khua Lal Suakphunga Sailo documentary tlangzarhtu Minister chuan thu sawiin documentary buatsaihtute chu fakawm a ti hle a; Zoram mipuite tan history pawimawh leh chhinchhiahtlak tak an hnutchhiah a ni tiin an inpekna leh thawhrimna chu ropui a tih thu a sawi.

Pu R Lalzirliana chuan Mizo zia leh nunphung mawi tak chu mi chanchin mawi leh tha zawnga sawi thin a nih thu tarlangin kalkhawmte chu Zo nunzemawi chhawmnungtu ni zel turin a chah a. A bikin thangtharte chu, Mizo nih ti nuamtu aia upa zahna te, tlawmngaihna leh harsa zawk te tanpui duhna thinlung pu zual zel turin a fuih bawk.

Khualzahawm Pu Lalrinenga Sailo chuan Mizoram-ah film industry in hma a sawn hret hret zel chu lawmawm a tih thu a sawi a. Mipuiten Mizo kutchhuak film te chu hlut zual zel se a duh thu sawiin a film tlangzarh ‘Rauthla’ chu mipui tam takin an en a,a hlawhtlin zual zel nan duhsakna a hlan nghal a ni.

Vawiin tlangzarh inkhawm hi Pu Lalmuanpuia Renthlei, JAMx Industry Producer chuan a kaihruai a. Pu Laldinpuia Sailo, Suakphunga Sailo tupa chuan Documentary film preview-na a nei a ni. Dr. K New Isreala chuan hunserh hmangin huntawpah tlangzarh tak film-te en ho bawk a ni. 

Attachment

  • Loading attachment...