Mim Kut Organising Commitee-in an huaihawt Mim Kut chu vawiin chawhma dar 11:00 khan Archive Hall ah Art & Culture Minister Pu P.C.Zoram Sangliana’n a hmanpui.

Kut Thlengtu Minister Pu P.C.Zoram Sangliana chuan Mizo te kut pawimawh Mim Kut hman a ni thei chu lawmawm a tih thu a sawi a, mahni hnam zia leh tihdan phung te humhalha kan chawisan poh leh hnam dang ten min ngaisang dawn a ni, a ti. Hmangaih kalta te puala hman thin Mim Kut chu Kristianna avanga Mizo ten kan hman zui vak loh a nih thu te sawiin Minister chuan kan hnam tihdan phung te chu kan sakhua mila kan her rem thiam zel a pawimawh thu a sawifiah bawk.

Vawiin Mim Kut hmanna ah hian Mim Kut lo chhuah dan lemchan te bakah hnam lam chi hrang hrang an entir a, zaithiam ten mipui an awi a, hmasang pi leh pu hun laia Mim Kuta an tih thin Thlai Chhiah pualin kalkhawm ten thawhlawm tangkafai engemaw zat an thawh te chu mi harsa leh chanhai leh damlo te tana pek tura ruahman a ni.