2276/2024-2025

New Delhi, 28th September, 2024 : Sawrkar laipui dawra cham mek, Art & Culture Minister Pu C. Lalsawivunga chuan nimin September ni 27 khan Union Minister for Culture, Pu Gajendra Singh Sekhawat chu a chenna ah hmuin, Art & Culture Department hnuaia hmalakna hrang hrang leh project proposal te a sawipui.

Minister Pu Sawivunga hian  Siaha-a cheng vaibelchhe 10 senga  Regional Museum sakna tur approve fel vek tawh chu tun thlenga pawisa la release loh a nih thu leh Tagore Cultural Centre Falkawna sakna tur DPR peihfel a nih tawh thu te a hrilh a, Union Minister hian Regional Museum sakna tur chu a rang thei ang bera release a nih tur thu leh, Tagore Cultural Centre pawh DRP thehlut rang tura hrilhin, a lo ngaihven zui tur thu a sawi a,  Mizoram sawrkar hmachhawp hrang hrangah pawh theihtawp a chhuahpui tur thu a lo hrilh bawk.

LAD Minister ni bawk Pu C Lalsawivunga hian Union Minister for Finance Pi Nirmala Sitharaman hnenah 15th Finance Commission hnuaia Rural Local Bodies Grant Mizoramin kum 2022-23 chhunga a pawisa dawn tur chu, 1st installment chiah ala dawn thu leh, hemi avanga VC (Rural Local Bodies) ten harsatna an tawh mek thu a thlen a, 2nd Installment pe thuai turin Union Minister hi a ngen a ni.