2275/2024-2025

Dated Aizawl, the 27th September, 2024: Vawiin tlai lam khan Chief Minister Pu Lalduhoma chuan Mizoram Legislative Assembly Conference Hall-ah Commonwealth Parliamentary Association India Region, Zone - III inkhawmpuia lokal te pualin Cultural Programme leh zanriah a buatsaih.

Chief Minister chuan, kan lam, kan zai leh kan tihdan phungte hian India hmarchhaka cheng mipuite mawina a entir a. Hnam, ze hrang hrang neitute siam ram kan nihzia a tilang a ni. Zaninah hian kan hnam lam thenkhatte Pachhunga University College Cultural Club ten min entir dawn a, in mit titlaitu a nih ngei ka beisei. Chutihrualin, hmarchhak cheng hnam ze hrang hrangte hi engtinnge zau zawka khawvel hmaa kan pho chhuah ang tih pawh kan zaa kan ngaihtuah tlan a tha. Kan zik chhuahna te, kan pi leh pute ata kan lo chhawm tawh kan lam, kan zai, kan incheina leh kan ze mawi tak takte hi kan zahpui tur a ni lova, kan chawisang zel zawk tur a ni, tiin India hmarchhak atanga kal khawm MLA te hi a sawm a ni.

Chhawkhlei Cultural Club, Pachhunga University College ten Lamlian Lehlam, Cheraw (Kantluang) leh Chheihlam te mawi takin an entir a. Zaithiamten hun an hmang bawk.