ASEP General Headquarters, Aizawl chuan kum 2014 atana Environmental Awareness Campaign Kick-Off function chu February ni 3, 2014 3:30PM khan E&F Minister Pu Lalrinmawia Ralte Office Chamber-ah an hmang a. Kick-Off na hi Minister Pu Rinmawia chuan neiin Signature Sheet-ah hming a sign hmasa ber a ni.

He Campaign Kick-Off function hi ASEP President K. Lalmuansanga chuan a kaihruai a, “Kum 2014 atan ASEP chuan ramngaw leh nungcha humhalhna kawngah campaign programme hrang hrang a nei ve leh dawn a. Chung zawng zawng bultanna atan chuan tun function hi a hawn nan hman a ni,” a ti. Kick-Off tu Pu Rinmawia chuan, “ASEP hmalakna hrang hrangte hi Minister ka nih hma pawhin ka lo hre tawh thin a. An hmalakna hi lawmawm ka ti tak meuh va, kum 2014 atana an campaign-na tur zawng zawngah duhsakna ka hlan a. Zoram mipuite pawh he an hmalakna lo tawiawma, environment humhalhna kawngah theihtawp chhuah turin ka sawm a. Mizoram hian ramngaw leh nungcha humhalh tlak kan la nei a, thahnemngai taka ke kan pen chuan thangthar lo la awm zel turte tana chenna tlak ram nuam kan siam zel thei dawn a ni,” tih thu sawiin, Minister a nih chhungin ASEP te nen hian theihtawpa thawhho zel a duh thu a sawi bawk.

He huna kalkhawmte hi Signature Campaign Sheet-ah hming sign-in ramngaw leh nungcha humhalhturinan intiam a ni.

Attachment

  • Loading attachment...