ASEP General Assembly vawi 10 na “Nungcha Hmangaihtute Inkhawmpui” tia vuah chu Dt. 27.11.2014 (Thursday) hian l&PR Auditorium, Treasury Square-ah tluang taka hman zawh a ni. He inkhawmpuiah hian Zoram chhunga environment humhalhna lama tui mi eng emaw zat an tel a, Goodwill Foundation School zirlaite an tel bawk.
He inkhawmpui hi ASEP President K. Lalmuansanga chuan a kaihruai a, “ASEP hian kumtin November thla apiangin he inkhawmpui hi kan hmang thin a. Nungcha humhalh duhtu apiangte tana buatsaih a ni a. Mizoramah nungcha hmangaihtu leh humhalhtu kan pung zel chu a lawmawm tak zet zet a, ASEP pawhin Zoram mipuite hmelhriat a hlawh chho ve zel chu kan lawm tak zet zet a ni/’ a ti a. Social network lama thawhhlawk tak tak Environmental Photographer Chawimawina mi 16 te hnenah hian a ni a. He chawimawina hi a thawhhnihna atana buatsaih a ni a, ASEP chuan environment humhalhna lama chawimawi tlakte chu chawimawina a lo hian tawh thin a. Environmental Photographer te pawh hian mite thinlungah nasa taka an thlalak hmanga thu an sawi theih avangin ASEP chuan chawimawina pek hi an phu-in a hria a, mi dangte pawh a la pe zel dawn a. Heng mite hmaah hian Environmental Photographer mi 7 te hnenah he chawimawina hi a lo hian tawh a ni.
He inkhawmpuiah hian Resolution pali passed a ni a, chungte chu :-
1. The Mizoram Vehicles Act/Rules ah hian Driving license pek chhuah dawnin kawnglaia nungchate chil hlum lo tura intiamkamna khung ve ni rawh se.
2. The Mizoram Fisheries Act, 2002 in a phal angin Mizoram chhunga lui pawimawhte hi kum khat chhungtal humhalh (bandh) ni rawh se.
3. Sava humhalh kawngah hian Sawrkar hian tun aia nasa hian hma la rawh se.
4. Road Safety Reserve hi ngaih pawimawh lehzual ni rawh se.
