Vawiin khan Association for Environmental Preservation buatsaihin I & PR Auditorium-ah Artificial Nest Box savabu siamchawp semchhuahna neih a ni a. He hun hi Pu L.R. Thanga, Chief Wildlife Warden chuan hmanpuiin kalkhawm mipuite tan nest box chungchang zirtirna tha tak a sawi.
He hun hi Pu K. Lalmuansanga, ASEP President in a kaihruai a. Hunserh Rev. C. Rosiaman a hmang. He hunah hian ASEP President chuan mithahnemngaite inpekna atanga fund tlingkhawm a awm avanga he hun hi hmang thei an nih thu leh thingkawrawnga bu nei chi sava, dinhmun derthawnga ding mekte chhanchhuahna atana buatsaih an nih thu sawiin, he nest box hi tu tan pawha awlsam taka siam mai theih anih avangin zoram mipuiten tuipui theuh thei ila a duh thu uar takin a sawi.
He hun hmanpuitu Pu L.R. Thanga chuan, “kan ramah hian nungchate an tlem tawhin, dinhmun derthawng takah an ding ta mek a, hetianga ASEP ten kan ram sava hlu tak takte koh kir leh nana artificial nest box an siam hi thil lawmawm tak a ni a, bul lo tan hmasatu Dr. C. Lalhmingliana pawh a fakawm hle a ni” a ti.
Dr. C. Lalhmingliana pawhin presentation neiin nest box enkawl zel dan kalkhawm mipuite hnenah zirtirna a pe a. He nest box hmang hian thingkawrawnga bu nei chi kan ram sava hlu tak tak, dinhmun derthawng taka ding mekte hi kan chhanchhuak leh thei a, harsatna an tawh mek sutkianna awlsam tak a ni a ti bawk.
Heng nest box hi zirna in compound la nei thate leh mimal huan nei thate hnenah semchhuah a ni a, a hlawhtlin zel dan hi a theih ang angin zirchian chhoh zel a ni dawn a ni. He nest box semchhuahna neih rual hian ASEP President K. Lalmuansanga lehkhabu ziah Nungchate Humhalh Kawnga Mizoram a thilthleng chhinchhiah tlakte tih chu Pu L.R. Thanga, CWLW hian a tlangzarh nghal bawk.
He hun hmanpuitu Pu L.R. Thanga chuan, “kan ramah hian nungchate an tlem tawhin, dinhmun derthawng takah an ding ta mek a, hetianga ASEP ten kan ram sava hlu tak takte koh kir leh nana artificial nest box an siam hi thil lawmawm tak a ni a, bul lo tan hmasatu Dr. C. Lalhmingliana pawh a fakawm hle a ni” a ti.
Dr. C. Lalhmingliana pawhin presentation neiin nest box enkawl zel dan kalkhawm mipuite hnenah zirtirna a pe a. He nest box hmang hian thingkawrawnga bu nei chi kan ram sava hlu tak tak, dinhmun derthawng taka ding mekte hi kan chhanchhuak leh thei a, harsatna an tawh mek sutkianna awlsam tak a ni a ti bawk.
Heng nest box hi zirna in compound la nei thate leh mimal huan nei thate hnenah semchhuah a ni a, a hlawhtlin zel dan hi a theih ang angin zirchian chhoh zel a ni dawn a ni. He nest box semchhuahna neih rual hian ASEP President K. Lalmuansanga lehkhabu ziah Nungchate Humhalh Kawnga Mizoram a thilthleng chhinchhiah tlakte tih chu Pu L.R. Thanga, CWLW hian a tlangzarh nghal bawk.
ASEP hian he hunah vek hian Serlui tura hrai duh lohna chungchangah hetiang hian resolution an pass:
“Vawiin ni 5.11.2009 a I & PR Auditorium-a Nungcha humhalhna kawnga thahnemngaitu kalkhawmte h ian nungchate chunga pawikhawihna mai ni lo, ram leh khawtlang mipuite tana harsatna lian tak siama Serlui tura hraitute hi kan dem tak zet a. Siamtu Pathian leh Ram mipuite zah lohna lian tak niin kan hria. Chuvangin thil sual titute hi man chhuah ngei nise kan duh a, an chungah hremna na tak lekkawh ngei kan phut tlat a. Tun hnu ah hetianga tur hmanga kan lui nungcha hlu tak takte hrai hi thleng leh tawh lo se kan duh tak meuh a ni.”
“Vawiin ni 5.11.2009 a I & PR Auditorium-a Nungcha humhalhna kawnga thahnemngaitu kalkhawmte h ian nungchate chunga pawikhawihna mai ni lo, ram leh khawtlang mipuite tana harsatna lian tak siama Serlui tura hraitute hi kan dem tak zet a. Siamtu Pathian leh Ram mipuite zah lohna lian tak niin kan hria. Chuvangin thil sual titute hi man chhuah ngei nise kan duh a, an chungah hremna na tak lekkawh ngei kan phut tlat a. Tun hnu ah hetianga tur hmanga kan lui nungcha hlu tak takte hrai hi thleng leh tawh lo se kan duh tak meuh a ni.”
