Vawiin khan Agriculture Conference Hall-ah ‘Workshop on Operationalisation of ATMA’ neih tan a ni. He Workshop hi Government of India hnuaia MANAGE leh Mizoram Agricultural Management & Extension Training Institute (MAMETI) te buatsaih a neih a ni a, ni 3 chhung awh tura ruahman a ni.
He Workshop hi Pu C. Lalzarliana, Joint Director of Agriculture in kaihruaiin Pu P. Bhattacharjee, Director of Agriculture (Crop Husbandry) leh Director, MAMETI ni bawk chu khuallian a ni a. District tina Project Director (District Agriculture Officer) theuh te leh ATMA hna khawihtu Officer 2 theuh te bakah Horticulture Department leh A.H & Vety Department aiawh te chu he Workshop-ah hian an tel a. He Workshop-ah hian Central Sorkar atangin Agriculture lama mithiam, Dr. Jagbir Singh leh a thianten ATMA kalphung leh hmalak dan tur zirtirna an pe a ni.
Khuallian Agriculture Director Pu P. Bhattacharjee chuan Mizorama ATMA hmalak tawhna leh hmalakna kal mek sawifiahin Mizoram chu Anthurium State atana hmalak a nih dan te a sawi lang a, Agriculture Department hmalakna hrang hrang a hlawhtlin ngei theihna turin Department chuan theihtawp a chhuah thu a sawi.
ATMA hi Mizoram-ah kan la hmelhriat lo hle a, a lampum chu Agriculture Technology Management Agency tih a ni a. Loneih kawnga loneitu te leh Agriculture Scientist ten thiamna inhlanchhawn theihna tura State pawnah, State chhung leh District chhungah te Training, Demonstration leh tihdan tha zawk inzir chianna nei tura intlawhtawn thin tur in ruahman a ni. Mizoram atang pawhin Loneitu engemaw zat state dangah an loneihdan zir tur leh thiamna pawchhuak tura tirh chhuah an lo ni tawh thin a, State chhung leh District chhungah pawh he ruahmanna hi kalpui thin a ni a, Loneitute tan a hlawkthlak hle a ni. ATMA hmalakna avang hian loneitute chuan hlawk zawk a thlai thar theih dan te, Lo/huan nghet neihdan te leh thlai thar hralh chhuahna tha zawk an hriat phah a ni.
He Workshop hi Ni 6th November, 2009 (Zirtawpni) a zawh fel tura ruahman a ni.
Khuallian Agriculture Director Pu P. Bhattacharjee chuan Mizorama ATMA hmalak tawhna leh hmalakna kal mek sawifiahin Mizoram chu Anthurium State atana hmalak a nih dan te a sawi lang a, Agriculture Department hmalakna hrang hrang a hlawhtlin ngei theihna turin Department chuan theihtawp a chhuah thu a sawi.
ATMA hi Mizoram-ah kan la hmelhriat lo hle a, a lampum chu Agriculture Technology Management Agency tih a ni a. Loneih kawnga loneitu te leh Agriculture Scientist ten thiamna inhlanchhawn theihna tura State pawnah, State chhung leh District chhungah te Training, Demonstration leh tihdan tha zawk inzir chianna nei tura intlawhtawn thin tur in ruahman a ni. Mizoram atang pawhin Loneitu engemaw zat state dangah an loneihdan zir tur leh thiamna pawchhuak tura tirh chhuah an lo ni tawh thin a, State chhung leh District chhungah pawh he ruahmanna hi kalpui thin a ni a, Loneitute tan a hlawkthlak hle a ni. ATMA hmalakna avang hian loneitute chuan hlawk zawk a thlai thar theih dan te, Lo/huan nghet neihdan te leh thlai thar hralh chhuahna tha zawk an hriat phah a ni.
He Workshop hi Ni 6th November, 2009 (Zirtawpni) a zawh fel tura ruahman a ni.
