State Level Science Exhibition for Children vawi 30-na chu vawiin khan Mizoram Larsap Lt.Gen(Rtd)M.M.Lakhera PVSM, AVSM, VSM chuan St.Paul’s Higher Secondary School Auditorium-ah a hawng.
Science Promotion Wing, SCERT chuan NCERT nena tang dunin kum 1979 atang khan kum tin Science Exhibition hi a buatsaih thin a. Kumin hi kum 7 hnua Aizawl district a buatsaih lehna hmasa ber niin school 9 tel tura beiseiah school 7 ten science thiamna lama hmasawnna chi hrang hrangte an entir a. Exhibition thupui atan “Science, Technology and Society” tih hman a ni.
Hawnna thuchah sawiin Larsap chuan science thiamna lamah India ram chuan hmasang atangin khawvelah hma a lo hruai tawh a ni, a ti a. Damdawi lam thiamna te, vansang boruak leh arsi chanchin zirna kawngah te, chhiarkawp thiamna lamah te India ram chu khawvela a hma hruaitu ram a nih thu tarlangin British awpna hnuaia a awm atangin an chhuahsan hnu kum 6o ah pawh khawthlang lam ram tihdan ngaihsanna in a mi chengte rilru a la chenchilh chu pawi a tih thu a sawi a. Mihring duhamna avanga leilung leh boruak chhe mek chu khawvel-in harsatna a tawh mek a nih thu sawiin science thiamna hmanga a sutkian dan kawng zawn a tul thu a tarlang a. School naupangte chu exam chhanna atan chauhva an thil zirte hmang lova, an thiamna te chu a taka hman tangkai dan ngaihtuah ching turin a chah a. Leilung leh boruak chhe mek lakah Mizoram venghim turin mawhphurhna sang tak an nei a ni tih a sawi bawk.
He Exhibition ah hian thupui tenau 6 hmangin school hrang hrang te chuan science lama hmasawnna leh science thiamna hman tangkai dan an entir a. Chung thupui te chu - 1) Climatic Changes - Causes and consequences 2) Green Energy 3) Biology in Human welfare 4) Information and Communication Technology, 5) Mathematics and Everyday Life 6) Science and Technology in Games and Sports tih te an ni a. Heng sub-theme a titha ber 2 te chuan sumfai lawmman leh certificate bakah nakum January thla a Kolkota-a Eastern India Science Fair leh nakum November thla a New Delhi-a Jawaharlal Nehru National Level Science Exhibition neih turah tel tura ruat an ni dawn a ni.
Exhibition hawnna ah hian SCERT Joint Director Pi Sangthanmawii leh Pu R.S.Chauhan, Dy.Director, SCERT bakah Brother Devasy, Principal St.Paul’s Higher Secondary School te pawhin thu an sawi a. Item chi hrang hrang pholan zingah St.Paul’s school kawta Dinosaur lim chu mit la bertu pakhat a ni.
Hawnna thuchah sawiin Larsap chuan science thiamna lamah India ram chuan hmasang atangin khawvelah hma a lo hruai tawh a ni, a ti a. Damdawi lam thiamna te, vansang boruak leh arsi chanchin zirna kawngah te, chhiarkawp thiamna lamah te India ram chu khawvela a hma hruaitu ram a nih thu tarlangin British awpna hnuaia a awm atangin an chhuahsan hnu kum 6o ah pawh khawthlang lam ram tihdan ngaihsanna in a mi chengte rilru a la chenchilh chu pawi a tih thu a sawi a. Mihring duhamna avanga leilung leh boruak chhe mek chu khawvel-in harsatna a tawh mek a nih thu sawiin science thiamna hmanga a sutkian dan kawng zawn a tul thu a tarlang a. School naupangte chu exam chhanna atan chauhva an thil zirte hmang lova, an thiamna te chu a taka hman tangkai dan ngaihtuah ching turin a chah a. Leilung leh boruak chhe mek lakah Mizoram venghim turin mawhphurhna sang tak an nei a ni tih a sawi bawk.
He Exhibition ah hian thupui tenau 6 hmangin school hrang hrang te chuan science lama hmasawnna leh science thiamna hman tangkai dan an entir a. Chung thupui te chu - 1) Climatic Changes - Causes and consequences 2) Green Energy 3) Biology in Human welfare 4) Information and Communication Technology, 5) Mathematics and Everyday Life 6) Science and Technology in Games and Sports tih te an ni a. Heng sub-theme a titha ber 2 te chuan sumfai lawmman leh certificate bakah nakum January thla a Kolkota-a Eastern India Science Fair leh nakum November thla a New Delhi-a Jawaharlal Nehru National Level Science Exhibition neih turah tel tura ruat an ni dawn a ni.
Exhibition hawnna ah hian SCERT Joint Director Pi Sangthanmawii leh Pu R.S.Chauhan, Dy.Director, SCERT bakah Brother Devasy, Principal St.Paul’s Higher Secondary School te pawhin thu an sawi a. Item chi hrang hrang pholan zingah St.Paul’s school kawta Dinosaur lim chu mit la bertu pakhat a ni.
Attachment
- Loading attachment...
