Ruh lam thiamna, Osteopathy Free Medical Camp chu ni 2 chhung neih a nih hnu in vawiin khan kharna inkhawm tawite Raj Bhavan Durbar Hall-a neih a ni a. Larsap Lt.Gen(Rtd) M.M.Lakhera PVSM, AVSM, VSM chuan a hmanpui.
Osteopathy Free Medical Camp hi Aizawl-a vawi hnih neihna a ni a. Tun tumah hian mithiam Dr.Goverdhan Lal Parashar chu a fapa Dr. Giriraj Parashar-an rawn tawiawmin Aizawl Civil hospital ah free medical camp hi neih a ni.
Thu sawiin Larsap chuan damdawi thiamna peng hrang hrang te chu natna tihdam nan an tangkai vek a ni, a ti a. Heng thiamna peng hrang hrangte hi inkalh lovin an kal kawp vek thei a ni, a ti. Osteopathy chu kum 1974-a United States a hman tan a nih hma daihin India ram chuan a lo hmang tawh tih a sawi a. He thiamna hmang tangkai thei tura Dr.Goverdhan-a hnuaiah mi 3 lai Mizoram-in training chhuak a nei ta chu lawmawm a tih thu sawiin district tinah hetiang lama thiamna nei hi awm se a duh thu a tarlang a. Mizoram chu India hmarchhak a he thiamna bul tantu hmasa ni thei se a duh thu pawh a sawi bawk.
Osteopathy medical camp rawn buatsaihtu Dr.Goverdhan chuan a thil tum ber chu damdawi tel lova natna tihdam theih chite chu he thiamna hmang hian enkawl theih a nih dan hriaa hman tangkai nachang hre tura mipui zirtir a ni, a ti a. Hetiang medical camp hi vawi 1090 a nei tawh tih tarlangin tun tum hi Governor sawmna ngai pawimawha lo kal a nih thu a sawi a. Ruh lam natna tam tak chu taksa chet dan tur dik hmanga reilo tea tihdam mai theih a nih dan a tarlang bawk a ni.
Inkhawm hi Dr.D.Baruah, Director of Hospital & Medical Education chuan a kaihruai a. Training chhuak mi 3 te hnenah Larsap-in certificate a hlan a ni. Tun tuma free medical camp-a hi a hmasa aiin pantu an thahnem a. Mi 650 lai inentir an awm a ni.
Thu sawiin Larsap chuan damdawi thiamna peng hrang hrang te chu natna tihdam nan an tangkai vek a ni, a ti a. Heng thiamna peng hrang hrangte hi inkalh lovin an kal kawp vek thei a ni, a ti. Osteopathy chu kum 1974-a United States a hman tan a nih hma daihin India ram chuan a lo hmang tawh tih a sawi a. He thiamna hmang tangkai thei tura Dr.Goverdhan-a hnuaiah mi 3 lai Mizoram-in training chhuak a nei ta chu lawmawm a tih thu sawiin district tinah hetiang lama thiamna nei hi awm se a duh thu a tarlang a. Mizoram chu India hmarchhak a he thiamna bul tantu hmasa ni thei se a duh thu pawh a sawi bawk.
Osteopathy medical camp rawn buatsaihtu Dr.Goverdhan chuan a thil tum ber chu damdawi tel lova natna tihdam theih chite chu he thiamna hmang hian enkawl theih a nih dan hriaa hman tangkai nachang hre tura mipui zirtir a ni, a ti a. Hetiang medical camp hi vawi 1090 a nei tawh tih tarlangin tun tum hi Governor sawmna ngai pawimawha lo kal a nih thu a sawi a. Ruh lam natna tam tak chu taksa chet dan tur dik hmanga reilo tea tihdam mai theih a nih dan a tarlang bawk a ni.
Inkhawm hi Dr.D.Baruah, Director of Hospital & Medical Education chuan a kaihruai a. Training chhuak mi 3 te hnenah Larsap-in certificate a hlan a ni. Tun tuma free medical camp-a hi a hmasa aiin pantu an thahnem a. Mi 650 lai inentir an awm a ni.
Attachment
- Loading attachment...
