Pu Lalbiakzama, MPS, SP (Traffic) chuan sorkar-in thu neihna a pek angin Motor liante Aizawl khawpui chhunga an luh theih hun a siam.

Motor lian (HMV) te chu zan lam dar 6 atangin zinglam dar 8 thleng Aizawl khawpui chhungah an luh phalsak an ni a, LPK (407 tripper) te chu tlai lam dar 5 atanga zinglam dar 8:30 thleng leh zing dar 10:30 atanga tlai lam dar 3 thleng khawpui chhungah hian luh phalsak an ni.

Mipuite him nan leh remchan zawkna tura he thupek siam hi 28.10.2009 atanga hman tan tur niin thupek chuan Inrinni (saturday) leh sorkar chawlh (holiday) ah te chuan luh theih loh hun chhung a awm loh thu a tarlang bawk a ni.