Mizoram state chhung telemedicine network service, Aizawl, Lunglei, Saiha leh Champhai khawpuite inthlunzawmna ‘Activation of Intra State Telemedicine Service ‘ chu vawiin khan Chief Minister Pu Lal Thanhawla chuan Civil Hospitalah a ti nung.
Chief Minister chuan a sorkar tirh atangin mirethei zawkte chhawr tangkai tur damdawi in leh kawngpui tha zawk siam chu a ngaihpawimawh anih thu a sawi a. District Hospital tinte chu thuam thata, doctor-te pawhin an thiamnate an hman tangkai theihna turin tih changtlun chhoh a, hmundanga damlo te refer ngailo tura thihna tlaka siam a tul thu a sawi a. Chutiang tih hma a telemedicine lo tih hmasakte hi thil tih awm tak pawh a ni a ti. Chief Minister chuan National Rural Health Mission hnuaia sum kan sen tawhte en chuan dinhmun sang taka awm tawh awm kan ni tiin, chutiang dinhmuna kan awm silo chu a pawi hle a ni a ti. Fai leh thianghlimnaahte, eirukna lamahte, rinawmnaah te, mahni inthununna kawngah te leh kawng tam takah ven ngai kan tam lutuk chu pawi a tih thu sawiin, Pu Hawla chuan vengtu nih theuh zawk tum ila kan zavaiin kan tha tlang mai ang a ti. Vawiina kan state chhung telemedicine a inthlunzawmna tih nun anihna ah Chief Minister chuan rahbi pawimawh tak a ni a ti a, a buaipuitu doctor-te chungah lawmthu a sawi a ni.
He telemedicine service tihnun anih hian Chief Minister chuan Lunglei, Saiha, leh Champhai hospitala thawkte bepawpin, damlo enkawllai an neihte dinhmun a zawt hlawm a. Aizawla doctor thiam bikna nei ten an damlo enkawl chhoh zel dan turah thu rawn an pe nghal bawk a ni.
Telemedicine hi hmun hla taka awmte hriselna enkawlna a ni ber a, a hmanruaah hian information technology te, communication technology-te, biomedical engineering leh medical sciences chawhpawlha hman a ni. India-ah chuan kum 2001 khan Indian Space Research Organisation (ISRO) in a hmang hmasa ber a. India hmarchhak state ah te hian NEC leh ISRO ten kum 2004 khan telemedicine nodes an lo hawng tawh a ni. Aizawl Civil Hospital-a telemedicine centre hi kum 2005 khan inter state communication atan hman theihin siam a lo ni tawh a ni. A programme hi Union Ministry of Information Technology in sum lam rawn tumin, technicianste erawh chu North Eatern Space Application Centres (NESAC), Barapani, Meghalaya in kum 2008 August thla atang khan a rawn tum bawk a ni.
Telemedicine tih nun inkhawm Civil Hospital Doctors’ Seminar Rooma neihah Health Minister Pu Lalrinliana Sailo in a kaihruai a. Pu S.Laldingliana, Parliamentary Secretary pawhin thusawina hun a hmang a, Dr. Barua, Director of Health & Medical Education in telemedicine sawifiahna hun a hmang bawk a ni
He telemedicine service tihnun anih hian Chief Minister chuan Lunglei, Saiha, leh Champhai hospitala thawkte bepawpin, damlo enkawllai an neihte dinhmun a zawt hlawm a. Aizawla doctor thiam bikna nei ten an damlo enkawl chhoh zel dan turah thu rawn an pe nghal bawk a ni.
Telemedicine hi hmun hla taka awmte hriselna enkawlna a ni ber a, a hmanruaah hian information technology te, communication technology-te, biomedical engineering leh medical sciences chawhpawlha hman a ni. India-ah chuan kum 2001 khan Indian Space Research Organisation (ISRO) in a hmang hmasa ber a. India hmarchhak state ah te hian NEC leh ISRO ten kum 2004 khan telemedicine nodes an lo hawng tawh a ni. Aizawl Civil Hospital-a telemedicine centre hi kum 2005 khan inter state communication atan hman theihin siam a lo ni tawh a ni. A programme hi Union Ministry of Information Technology in sum lam rawn tumin, technicianste erawh chu North Eatern Space Application Centres (NESAC), Barapani, Meghalaya in kum 2008 August thla atang khan a rawn tum bawk a ni.
Telemedicine tih nun inkhawm Civil Hospital Doctors’ Seminar Rooma neihah Health Minister Pu Lalrinliana Sailo in a kaihruai a. Pu S.Laldingliana, Parliamentary Secretary pawhin thusawina hun a hmang a, Dr. Barua, Director of Health & Medical Education in telemedicine sawifiahna hun a hmang bawk a ni
Attachment
- Loading attachment...
