1663/2023-2024

Aizawl, the 26th August, 2023: Headquarters Inspector General Assam Rifles (East) hnuaia Assam Rifles Battalion chuan August ni 28, 2023 hian Rozgar Mela/Job Fair tum 8-na 2 AR Gajraj Hall, Lakhimpur Battalion, Aizawl-ah a buatsaih dawn.

Sawrkar laipui ruahmannain Rozgar Mela/Job Fair chu August ni 28, Thawhtanni hian State hrang hrang 25 a hmun 44 ahte huaihawt a ni dawn a. He hunah hian Indian Government hnuai Department hrang hranga hna hmu thar mi 70,000 dawnte hnenah appointment letter pek chhuah a ni ang. Prime Minister Pu Narendra Modi chuan ram pum huap hun hman hi a kaihruai dawn a, live streaming kaltlangin thalaite hnena thuchah a sawi hnuah hna hmu thar a hmuna awmte hnenah appointment letter a sem chhuak dawn a ni.

Mizorama Rozgar Mela/Job Fair hlawhtling taka huaihawt a nih theih nan Assam Rifles chuan hma a la a, he hun hi Sawrkar laipuia Minister of State for Minority Affairs Pu John Barla chuan a hmanpui dawn a, hna hmu tharte kutah appointment letter a hlan dawn a ni. Ram chhung hmun hrang hranga hun hmante hi Prime Minister chuan Video Conferencing kaltlangin a chhim dawn a ni.

Rozgar Mela hi Sawrkar laipuiin hna neilote tana hna a siam sakna kawnga hmalakna ngaih pawimawh tak a ni.