1662/2023-2024

Lunglei, the 25th August 2023 : Vawiin chawhnu dar 4:00Pm khan kumin MLA inthlanna atana  Electoral Roll Observer atana ruat leh Disaster Management & Rehabilitation Secretary nibawk Pi K. Lalrinzuali, IAS,  chuan Lunglei DC Conference  Hall-ah  Election Official-te,MJA, political party aiawh te leh tlawmngai pawl aiawh te chu 2nd Summary  Revision of Electoral  chungchangah meeting a neihpui hlawm.

Pi K.Lalrinzuali IAS chuan kumin hi inthlan kum a nih avang leh Mizoram chhunga raltlante kan neih avangin kum danga Electoral Roll Revision aia kan fimkhur leh zual a ngai dawn a. Draft Roll-a an chuan ve leh chuan ve loh pawh in enna chang hre lo va, revision hun pelh tawh hnua office lama lo sawi leh te hi an awm thin a. Hemi chungchangah hian I&PR department leh MJA te bakah kan BLO te, VC te,party workers te leh tlawmngai pawl hrang hrang te pawhin Revision hun lai hian Draft E/Roll a hming, address leh thildang siam that ngai te, belh leh paih ngai ang chi zawng zawng chu tih vek a ngaih thu hi  puanzar tam turin ka ngen che u a ni. A hlawm hlawma vote transfer (Mass vote transfer) te a thlen loh nan kan ERO leh AERO te kan fimkhur hle a ngai dawn a, kan party workers te leh tlawmngai pawl te pawn nidanga in loh tih thin tawh angin, election official te tha taka lo puibawm leh turin ka ngen che u a.Party worker te leh Tlawmngai pawl ten election official te in thawhpui tha hle tih ka hria a, in chungah lawmthu ka sawi tak zet a ni. Lunglei district in Electoral Roll rintlak, felfai leh funkim ber kan neih theih nan tlawmngai pawl, MJA leh Party hrang hrangte in thawhpuina leh puibawmna ka ngen nawn leh che u , a ti. Pi K.Lalrinzuali chuan Final E/Roll tlangzarh hmaa Lungleia a lokal leh tur thu meeting a hrilh bawk.

Tahrik ni 2/8/2023 a draft E/Roll tlangzarh takah khan Lunglei district-ah, hmeichhe voter 49675 leh mipa voter 48841, an vaiin  voter 98516  an awm a, gender ratio hi 1017 a ni.