Tukin zinglam dar kua vel khan Capt. Tushar Mehlawat-a kaihhruai, 39 Assam Rifles Cycle Expedition Team-te chuan Kolasib leh Vairengte inkara an tlan laiin kawngsira lung thatlo avanga damlo na tak lo awm mek chu an chhanchhuak.

39 Assam Rifles Cycle Expedition Team-te hian nimin khan Aizawl an chhuahsan a. Tukin zinglam dar kua velah Kolasib leh Vairengte inkar an tlan laiin kawngsirah mipa pakhat, lung lam thatlo avanga na tuar mek an hmuh chu CPR (Cardio Pulmonary Rescuscitation) hmanga thawk pein an chhanchhuak a. Damlo hi a harhchhuah hnuah Kolasib damdawiinah an hruai leh a ni.