No.4682/2020-2021

Vawiin chawhma khan Mizoram Chief Secretary Pu Lalnunmawia Chuaungo chu Assam Rifles hotu ber, Director General Lt. General Sukhdeep Sangwan chuan a office-ah a hmu.

Assam Rifles-te tan kum 1987-ah daih tawh Aizawl khawpui an chhuahsan theihna turin Zokhawsangah hmun pek an ni a. Mizoram sorkar chuan an mamawh tui, electricity leh kawng te pawh a siam zo vek tawh a. An building hrang hrang sa tura Ministry of Home Affairs in a ruat contractor chuan an hna pawh an zo thawkhat tawh a. Chuvangin Assam Rifles te chu a rang thei ang bera Zokhawsanga insawnchhuah dan ngaihtuah turin a hriattir.

Ram thenawm Myanmar nena Mizoram inrina a ruka paltlangin drugs leh silai tawlh ruk a awm fo thin a. Ramri venna kawngah Assam Rifles chuan hna tha zawk a an thawh theih nan state sorkar nen tha taka an thawhho a tul thu a hrilh a. Mizoram chhung kawngpui (highway) hmun thenkhata phalna nei lova Assam Rifles-in check gate an siam te pawh thiat vek tura hrilhin ram ri luhka (entry/exit) hmunah te chauh heng check gate te hi an siam thei a ni tih DG hi a hriattir bawk a ni.

Tin, tunhnai a Assam Rifles chet dan in state sorkar leh mipui rilru a tih nat thu sawiin, Assam Rifles ten thupha chawi tura a ngaih thu a hrilh bawk.