Tukin zing khan Inspector General Assam Rifles (East) Expedition Team te chu 1st Assam Rifles Helipad, Sethlun Lunglei atangin Pu S.Laldingliana, Vice Chairman HPC Lunglei in a vailiam.

Assam Rifles Expedition Team te hi Officer 2, JCO 2 leh sipai 16 Unit hrang hrang ami ten Mizoram, Tripura leh Assam ah ni 9(kua) chhung hmun kilkhawr deuh deuh a cheng mipuite hnen ah Remna, Muanna, inpumkhatna leh faina zirtirna an pe dawn a ni. Mizoram chhung bik ah km 986 Expedition Team te hian kal in Mizoram ah Remna, Muanna leh hmasawnna a awm theih nan an tlangaupui anga, School zirlai, NGO's, Kohhran hruaitute, exservicemen, sipai, District Thuneitute, thalai leh mipuite hnen ah khawtlang hmasawn theih nan inkawmna an nei bawk ang.

Remna, Muanna leh Hmasawnna awm theih nan workshop leh Seminar te neihpui in hriselna kawng a hmasawn theih nan hmalak an tum bawk. Zu leh Drugs a kan fihlim theih nan leh thalai te Army a an luh theih dan zirtirna an pe bawk ang.

Expedition Team te hi dt.13.10.2016 khan Indo Myanmar leh Bangladesh inri na hmun Mizoram chhim tawp khua Parva, Lawngtlai District atangin col.B.B Pun. SM, Commandant 1st Assam Rifles chuan a vai liam a ni. Expedition Team te hian an tlawh tur hmun leh khua te hi Lawng, lirthei leh ke in an pan ang.