Home Minister Pu R.Lalzirliana chuan nimin chawhnu khan Mizoram Badminton Association (MBA) Badminton Championship 2016 kharna hun Ramhlun Indoor Stadium ah a hmanpui.

Infiammi hmaa thusawiin Home Minister Pu R.Lalzirliana chuan Mizo mipui ten hriselna pawimawh zia an hriat thar a tul thu a sawi a. Taksa hriselna atan hunawla insawizawina chi hrang hrang leh inkhelh te intihmuh a pawimawh a ti. Sawrkar hnathawk zingah infiammi, taksa hriselna tuipui tam tak hmuh tur an awm chho mek zel chu thil lawmawm tak a ni a ti a. Mahni eizawnna leh hnathawh hlen turin hriselna neih a pawimawh hmasa tih sawiin ruihloa talbuai sawkar hnathawk te pawn an thil chinthalo ata an talchhuah theih nan taksa sawizawina leh inkhelh uar an mamawh a ni a ti.

Mizoram Badminton Association (MBA) Badminton Championship 2016 hi MBA hnuaia Masters Wing in a buatsaih a ni a. He tournament ah hian Badminton Club 34 atanga  Shuttler  179 ten kum upat dan 11-a then hranah Trophy an inchuh a ni.