DGAR Civil Action Programme hnuaiah Headquarters 23 Sector leh Headquarters IGAR (E) te chuan 39 Assam Rifles kaltlangin January ni 30 khan Chhinga Veng Football Team hnenah inkhelhna hmanrua an pe.

39 Assam Rifles Commandant Colonel Jasjit Singh chuan Chhinga Veng Football Secretary hnenah inkhelhna hmanrua te hi a hlan a. Secretary, player-te leh Local Council member-te chuan Assam Rifles in khawtlang tana an thilpek chu lawmawm tiin, sipaite leh tualchhung mite inkarah in unauna tha tak a awm chhunzawm zel an beisei a ni.

Infiamna chi hrang hrang zingah Football hi Mizo thalaite ngainat ber a ni a. Assam Rifle-te chuan thalaite hmakhaw ngaia infiamna hmanrua an pe hi Mizoram chauh nilo India ram tihmingtha tur khawp infiammi an lo chhuah theih nana thalaite fuihtu leh chawk phurtu tangkai a nih ngei an beisei a ni.