46 Assam Rifles chuan February ni 19 - 25 khan Mizo Zirlai Pawl member 30 tan Motivational Tour 2018 a buatsaih a, he tour-ah hian Silchar, Shillong leh Guwahati te an tlawh. Mizo thalaite’n an thenawm state-te an hriatchian nan leh an tlangnel nan he tour hi buatsaih a ni a, Mizo thalaite leh Assam Rifles ten he tour atang hian thawh hona tha zawk an neih theihna tura ruahman a ni bawk.

He Tour ah hian Zirlaite chu Maj Gen RK Gupta, Additional Director General Assam Rifle chuan North East state hrang hrang hmasawnna tur leh ralmuang taka a awm theihna tura an hmalaknate sawi hona  hun a hmanpui a. Assam Rifles War Memorial leh Assam Rifles Museum, Laitkor Shillong te fanpui an ni a, hengte bakah hian hmun pawimawh hrang hrangte an tlawh bawk. Motivational Tour hi ni 25 February khan 46 Assam Rifles, Aizawl ah kharna hun hman a ni a, he hunah hian zirlaite chuan an hlawkpui thu leh hetiang Tour hi buatsaih chhunzawm zel nise an tih thu an sawi.