Ni 22.2.2018 (Thursday) khan Fifteenth Finance Commission chuan Consultation & Workshop New Delhi-ah a buatsaih a. He meeting-ah hian Mizoram atangin Pu Lalmalsawma, Finance Secretary, Pu Lalhmingmawia Sailo, Jt.Secretary, Finance leh Pu C.Lungmuanpuia, Under Secretary te an tel. Meeting hi 15th FC Member Secretary, Arvind Mehta IAS-in a hova, State hrang hrang Finance Secretary te an tel a, mahni State dinhmun tlangpui leh 15th FC ngaih pawimawh atana an duhte an sawi. 

Mizoram Finance Secretary Pu Lalmalsawma pawhin Mizoram State dinhmun tlangpui sawiin Rural Local Bodies Grant pek ngei kan ngaih thu te, GST atanga kan sum hmuhin beisei a phak loh dan te, National Disaster Mitigation Fund siam a tul thu te, Revenue Deficit Grant kan mamawh nasat thu te, 7th Pay Revision dinhmunte te a sawi. 15th FC Questionnaires & Notes leh Information chi hrang hrang leh Memorandum siam dan turte sawihona neih a ni. 

Fifteenth Finance Commission hi an Chairman N.K. Singh, Govt. of India-a Secretary, Expdr.& Revenue (Rtd) niin member 4 dang awmin nikum November khan din a ni a, kum 2020-25 chhunga Central leh State sorkar-te sum insem dan turah recommendation an siam dawn a ni.