HQ Inspector General Assam Rifles (East) kum khat tlin lawmna chikhat atan naktip July ni 7 khian Assam Rifles Motor Cycle Rally chu Lunglei atangin SP, Lunglei chuan a vailiam dawn a. He rally-ah hian IGAR (East) hnuaia sipai tanglai 24 te chu an tel dawn a. Rally hian Mizoram, Tripura, Assam chhim lam leh Manipur khawtlanga District thenkhat te paltlangin, khaw hrang hrang an tlawh hnuin, July ni 14 a Silchar-a thleng tura beisei an ni. Rally thupuia ‘Care as we Drive’ tih hmangin zu leh ruihtheih thil thatloh zia thalai te hnenah puanzarna programme te leh thalai ten sipai hna an tintuah theih nan hemi chungchanga inhrilhriatna programme te hmun hrang hrang hman an tum bawk.

HQ IGAR(East) hotulu ber Major General Satish Dua chuan Rally hian Assam Rifles leh Mizoram, Tripura leh Assam chhim lamah mipui te inkara inlaichinna tha zawk leh innauna tha tak a thlen a beisei thu a sawi a ni.