Assam Rifles-in Mizoram, Tripura leh Assam chim lamah inenkawlna tha leh chak zawka hna an thawh theih nan nikum July ni 16 khan Headquarters Inspector General Assam Rifles(IGAR), East chu Silchar bul Srikona a hmunpui neiin a din tan a. Tun July ni 16 hian IGAR (East) hi kum khat a tling dawn a. Hemi pual hian IGAR (East) chuan Assam Rifles thupui ‘Tlang mite thian’ a taka an lanchhuah theih nan programme hrang hrang buatsaih an tum a.
A vawikhatna atan HQ IGAR (East) Football Cup chu Mizoram, Tripura leh Assam chhim tan buatsaih an tum a; Remna leh muanna pawimawh zia tarlan nan, July Ni 14 khian ‘Peace Run’, Barak Valley-a buatsaih an tum a; Silchar Stadium-a thalai ten eizawnna kawnga sipai hna an tintuah theih nan ‘Know Your Force’ programme buatsaih an tum bawk a.
He hun denchen hian Assam Rifles motorcyclist 24 te chuan ‘Care as We Drive’ tih thupui hmangin Mizoram, Tripura, Assam chhim leh Manipur khawtlanga thingtlang khaw kilkhawr tak tak te paltlanga kilometers 1150 a thui Motorcycle Rally neih an tum bawk. Thisen pek runpui hmun engemawzat a neih an tum a bakah Assam Rifles sipai bang tawh ten an harsatna hrang hrang tawh te thuneitu te an hnenah an tlen theih nan Ex-Servicemen Rally pawh buatsaih an tum bawk a ni.
HQ IGAR(East) hotulu ber chu Major General Satish Dua, Sena Medal, Inspector General Assam Rifles (East) chu niin Mizoram-a HQ 23 Sector, Tripura-a HQ 21 Sector leh Haflong-a HQ 22 Sector te a enkawl mek a. Sector tin te hi Brigadier pakhat zelin enkawlin an hnuaia Battalion enegmaw zat an awm theuh bawk a ni.
