Pu K. Lalnghinglova, IAS, Election Observer, Mamit District chuan vawiin 5th July 2013 hian DC’s Conference Hall, Mamit-ah Political Party leh tlawmngai pawl hruaitute kawmin meeting a neihpui.
He inkawmhona hun Pu V. Lalremthanga IAS, District Election Officer kaihhruaiah hian Pu K. Lalnghinglova Election Observer chuan Mizoram-ah hian inthlanna felfai tak kan nei thin a, a lawmawm hle a ni tiin hei aia felfai zawk a tih theih kan tum a tul a, hemi kawngah hian Political Party ten theihtawp kan chhuah a tul a ni a ti. Election chungchangah Election Commission of India duh tui zia tarlangin kan duh dan leh rawtna tha kan neihte District Election Officer hnenah thlen tur leh kumin kum tawpah kan inthlan dawn avangin kan rawtna te pawh a zawng a za chuan tih theih anih dawn loh thute kalkhawmte a hrilh bawk.
Pu K. Lalnghinglova chuan kan ram roreltu tur kan thlanna-ah hian mitinten mawh kan phur a, khua leh tui tha chuan vote kan thlak ngei tur a ni tiin a tam thei ang berin vote kan thlak theih nan Party hrang hrang hruaitute leh tlawmngai pawl hruaitute a chah bawk a ni.
He inhmuhkhawmna hunah huan felfai zawka inthlan kan hmachhawn theih dan turte sawiho niin zawhna awmte inhrilhhriat a ni bawk.
He hunah hian Mamit-a Political Party hrang hrang aiawhte, tlawmngai pawl hruaitute leh thuthar thehdarhtute an tel tha hle a ni.
Mamit District-ah hian Polling station 110 awmin vote nei mipa 28259 hmeichhia 27173, awmin avaiin voters 55432 an awm a, Voters te hian EPIC an nei vek tawh bawk a ni.
