February ni 1, 2016 khan Headquarters 23 Sector AR leh Headquarters IGAR (E) hnuaia awm, 39 Assam Rifles-te chuan DGAR Civic Action Programme hmalakna kal zelah Sailutar leh Ratu khaw mipuite hnenah tanpuina an hlan.

39 Assam Rifles Commandant, Col. Jasjit Singh-a chuan Sailutar khuaa Vocational Training Centre-a hman turin Puanthuikhawl (Automatic Sewing Machine) paruk leh Plastic Chair pariat chu VC Secretary hnenah a hlan a. Hemi ni vek hian Ratu khawtlang mipui hman theih turin vantlang inthiarna leh bual in sak zawh tawh chu khawtlang hruaitute hnenah a hlan nghal bawk. Vantlang inthiarna leh bual inte hi hmun li-a sak niin hmun khatah hian inthiarna leh bual in pahnih theuh a awm a ni.

‘DGAR Civic Action Programme’ hi Assam Rifles-te’n an huam chhunga mipuite chawikan nan leh sawrkar programme tichak tura an hmalakna langsar tak a ni.