January 29, 2019 (Thawhlehni) chawhma dar 11:00 hian Planning & Programme Implementation Department chuan, Assembly Annexe Conference Hall-ah "Sensitization Workshop on District Level Planning" hawnna hun a buatsaih dawn a, Chief Minister Pu Zoramthanga’n khuallian niin a hmanpui dawn.

He Workshop-ah hian District Planning Committee (DPC)-in District Planning Process atana hma lak nana a hman tangkai tur inzirtirna hun hman a ni ang a, Line-Department zawng zawng Administrative Heads te, Heads of Department te, District Administration hotute, District line-Department Head of Office te, Local Council hotute leh Village Council hotute nen sawihona hun hman a ni ang.

Planning & Programme Implementation Department, Government of Mizorarn hian District tinah District Planning Committee (DPC) a din a, Deputy Commissioner kaihhruaina hnuaiah District Research Officer tinte chu Member Secretary niin, District Officer te, VC leh NGO hruaitute chu member an ni. Lunglei District, High Powered Committee (HPC) awmnaah erawh DPC hi a hranpaa din a ni lo. DPC kal dan tur leh an thawh tur inhrilhhriat nan Sustainable Development Goals (SDGs) hnuaiah Sensitization Workshop buatsaih ni se tih a ni a. District tinah, mipui huap zau thei ang ber tura "Sensitization Workshop on District Level Planning" hi neih vek tura ruahmanna siam a ni a, Mizoramah chuan a bul tan nan Aizawl District hi hman a ni dawn a ni.

He Workshop rahchhuah hamthatna la teltu tur chu District tin mipuite an ni a, be Workshop hian mimal tin thleng phak hmasawnna tluantling (sustainable and inclusive development) kalpui dan tur inhrilhhriat chu a thupui ber a ni.