Vawiin chawhma khan Convention Center Lunglei ah 9th National Voter Day hman ani. Pu Benjamin Lalzama, District Election Officer, Lunglei chu khuallian niin a hmapui. Kumin National Voter Day thupui chu "No Voter to be left behind" tih hman ani.

9th National Voter Day hmanna inkhawm hi Pu James Lalnithanga, Election Officer, Lunglei in kaihruaiin Pu Benjamin Lalzama chuan January ni 25 hi Election Commission of India din ni niin, hemi ni denchhen hian kum 2011 January ni 25 hian a vawikhatna atan National Voter Day hi India ram pumah hman ani.India ram Democracy ah chuan inthlan hi a pawimawh em em a, voter te hi kan hlu a, ram hmasawnnan hruaitu tha kan thlang thin ani. India ramah hian 50% vel hi kum 30 hnuailam an ni a, chuvangin thalai ten chanvo pawimawh tak an nei a, chu chu vote thlak hi ani. Thalai ten Electoral Roll a inthunluhna chang hria a, vote hlutzia hre turin he ni hi hman ani ati.

9th National Voter Day hi Lunglei bakah Lunglei District chhung ah  Tlabung leh Hnahthial Sub-Division, Lungsen leh Bunghmun RD. Block ah te pawh hman ani.

Pu Lalnundika, SDO (S) leh ERO, Lunglei nibawk chuan Chief ElectionCommissioner, Govt. of India thuchah chhiarchhuakin 9th National Voter Day thutiam sawina kalkhawm ten nei ani.

9th National Voter Day denchhenin Lunglei ah District Contact Center Tel. No.3721950,Voter AwarnessForum,Voter helpline leh PWD Apps te hmantheia tlangzarh ani.

Kum 2018 Mizoram Legislative Assembly inthlanna a hnathawk tha Pu Benjamin Lalzama chu Best Returning Officer,  Pi Lalmuanpuii, SDO(C) Tlabung chu Best Asst. Returning Officer, Pi Lalrammawii Ralte, Teacher, Govt.Primary School, Hauruang chuBest BLO leh Lalramsanga Liannghawr, NIC Lunglei  Outstanding Achhievement ah te thlan an ni  Citation leh Rs2000/=theuh Pi C.Lalremruati, DIPRO Lunglei in hlanna a nei ani.

Attachment

  • Loading attachment...