Food, Civil Supplies & Consumer Affairs Department chuan  Public Distribution in Mizorarn, compendium of Best Practice lehkhabu hi Pi Shashanka Ala, IAS, Director, FCS&CA-in a buatsaih  sawizau nan thuchhuah a hnuaia mi ang hian an siam a, he booklet hi vawiin khan Pu K Lalrinliana,Director FCS&CA etc. in a tlangzarh.

Public Distribution in Mizorarn, Compendium of Best Practice bu chhungah hian FCS&CA Department hnathawh hrang hrang leh hmalakna te tarlan a ni a, tin, Mizoram-in buhfai a mamawh lei leh hralhchhuah dan te chiang taka tarlan a ni in, hengbakah hian Mizorarn State atana Central Sawrkar-in allocation Food Security Act, 2013 hnuaia apek zah te, mamawh belh Food Security in a huam ve loh (Non-NFSA) te tana Department-in Open Market atang te a buhfai a chawk luh dan ziahlan a ni bawk.

Mipui mamawh ber buhfai leh gas harsa lova mipui ten an hmuh theih nan Department-in nasa taka hna a thawh thin dan te, buhfai movement chungchangah central allocation State Sawrkar in a hmuh te, FCI Godown (FSD) atanga State Godown PDC, SDC leh Supply Centre hrang hranga Carrying Contractor-ten bahlah awm lova an thiara an dah thin dan tarlan a ni. Chubakah mipui ten an chanvo leh a bik takin Ration Buhfai an dawn theihna turin Retailer te pawhin a hun takah buhfai an sem bawk thin ani.

Mizoram-ah PDS kalphung hman a nih atanga vawiin ni thlengin FCS&CA Department hnuaiah hian Village Council/Local Council leh NGO peng hrang hrang ten tha leh zung an thawh nasa em em a, Retailer ten buhfai an sem tur chungchang, khawnvartui sem tur leh gas distributor ten distribution point-a sem a nih dan tur chungchang khawtin leh veng tina tlangau/public information system hmanga NGO/Local Council ten an neih thin te hi thil chhinchhiah tlak leh State danga an tih ve ngai loh niin a lang.

Public Distribution in Mizorarn hnuaiah hian hmeichhia ten tha leh hrui an thawh hlawk dan he lehkhabu ah hian tarlan a ni a, FCS&CA Department hnuaiah hian hmeichhe engemawzat in carrying contractor hna an thawk mek. Buhfai movement hi langtlang (Transparent) takin department-in a kalpui mek a, buhfai kawngbo leh bothlau pawh hi a tlem hie a ni. Tunah hian End-to-End Computerization of TPDS Operations Scheme chu department-in tangkai taka leh langtlang taka heng buhfai movement-ah te hman a nih theih nan nasa takin hma a la chho mek a, tunah hian Supply Chain Management, Retailer ten Godown atanga anmahni godown thlenga mipui te quota an lak dan zawng zawng hmuh theih tura he scheme hnuaia programme chu hman mai theih tura hma a lak chhoh mek thu tarlan a ni bawk. Tin, hmun hrang hrangah Supply Godown changtlung zawk tunah hian sak mek a ni bawk. Hengbakah hian fur ruahtui avanga thingtlang hmun kilkhawr zawk tarn takin fur laia buhfai nghei lova an awmna turin FCS&CA department chuan advanced stock (Monsoon Stock) programme kumtin kalpui thin a ni bawk.