Vawiin chawhma khan Vanpa Hall-ah National Voters' Day 2019 chu India ram hmundang te rualin Governor Kummanam Rajasekharan hova hman a ni a. He hunah hian Governor chuan  Voters' Helpline Phone No 1950 leh Pianphunga Rualbanlote hman tangkai tur Mobile apps te a tlangzarh a. Vote nei te mawhphurhna leh vote thlak pawimawhna te thusawitute kaltlangin  inzirtir a ni a; Programme karlakah  Voters' Day puala  Chief Election Commission  Sunil Arora thuchah ngaihthlakho a ni a. Election kaihhnawih a hnathawk tha te hnenah lawmman hlan a ni bawk a ni.

Governor Kummanam Rajasekharan chuan khua leh tui, vote nei tawh zinga kum naupang zawnk ten phur taka vote an thlak theihna turin National Voters' Day chu India rampumpuiah hman a ni a ti. Voter te   pawimawhna zau zawka inzirtirnan "  No voter is to be left behind" tih thupuia hmangin zirlaite leh mipui zingah nasa taka inzirtirna kalpui a ni chu a lawmawm hle a ni a ti a. Election Commission of India in Systemic Voters' Education and Electoral Participation(SVEEP) a rawn kalpui avangin nasa takin Voter ten an chanvo bakah Election kaihhnawiha an mawhphurhna leh an tihtur te an hriatchian phah tih a sawi a. India ram inthlan dan chu ramdangte ngaihsan leh entawn - inthlandan thianghlim leh langtlang a ni a ti a. Mizoramahhlawhtling taka inthlanna felfai leh thianghlim kalpui a nih theihna tura theihtawp chhuahtu - sawrkar hnathawkte, Mizo People's Forum, YMA leh Kohhranmite chungah Governor chuan lawmthu a sawi bawk a ni.

Mizoram chhunga MLA inthlanpui hnuhnungberah voter ten an vote thlakna an chiannawn theihna  Voter Verifiable Paper Audit Trail(VVPAT) chu a vawikhatna atan hman a ni a, a hlawhtling hle a ni a ti. "Sawrkar hnathawkte puala Voters Awareness Forum(VAF), Voters Helpline No 1950( Voter ten thuneitute Phone numer 1950 a an biak pawh theihna) leh Pianphunga Rualbanlote puala Mobile App tlangzarh te ka hmuh hian hma kan sawn nasa hle tih achiang a ni", a ti a. Tun inthlan hnuhnungber a hlawhtlinna langsar tak pakhat chu Polling Station zawng zawngah Pianphungah rualbanlo ten Vote an thlak theihna tura Wheelchair nawrkai theihna siam vek kha a ni a ti a. MP inthlan lo awm turah pawh phur takin bote nei zawng zawng chu an mi duhzawng tak thlang tura vote thlak leh vek turin a sawm nghal a ni.

Chief Electoral Officer Pu Ashish Kundra pawhin thusawina hun a a hmang a. CEO chuan  hlawhtling taka inthlanpui Mizoramah kaltlangpui a nih tak chungchangah YMA, MHIP, MUP, Zirlai pawl hrang te, Kohhranmite, mipui vantlang leh abik takin Mizo People's Forum(MPF) chungah lawmthu a sawi a. Electronic Voting Machine(EVM) chu a rintlak tih sawiin rinthua lo sawisel chu thil tullo tak a ni a ti. "Kan hmalawkah Members Of Parliament inthlan a awm leh dawn a. He hunah hian Vote nei thei chin la nei ve lo ten vote an thlak theih nan vote nei thei te chuan vote neih a ranglamin an dil a ngai tawh a ni. Tin, MP election inthlan hmachhawn tur hian ECI chu kawngtinrengah a inpeih vek tawh bawk a ni", a ti.

Vanapa Hall a National Voters' Day hmanna hun hi Aizawl Bawrhsap Dr. A. Muthamma chuan programme chhimtute lawmna thu sawiin bul a tan a. Hemi hnu hian Voters Day puala Vote nei te pawimawhna leh mawhphurhna chungchanga inzirtirna kalpuina tur Voter Awarness chungchang leh hawnna hun  Commissioner & Secretary Pu Lalhmingthanga chuan a hmang a. Addl.CEO Pu Krishna Mohan Uppu hnena atangin Voters Helpline leh Mobile Apps Governorin a tlangzarh chhunzawm tak chungchangte  ngaihthlak a ni.  Huntawp lamah lawmman semna hun Governor Kummanam Rajasekharan hova neih a ni a. He hunah hian Mizoram Election 2018 a hnathawktha - pawl leh mimal hnenah lawmman sem a ni a. Huntawp hi Jt CEO Pu H.Lianzela chuan lawmthu sawina neiin a khar a ni.

NATIONAL VOTERS’ DAY AWARDS, 2019  a lawmman semchhuah te chu:

Hnathawk thafal lawmpuina Trophy leh Certicate Dawngtute : Mizoram People’s Forum (MPF) leh YMA Kanhmun Branch , Voter Upa ber lawmman leh Certificate -  1911 Kum March Ni 1 a piang Pu Rochhinga, Zemabawk North, Best performing Polling Party of All Women managed Polling Station, Dingdi Polling Party tia hriat bawk te zinga lawmman dawngtu - Aizawl East I Constituency duty te -  i) Pi Mary Lalthansangi, Associate Professor, Ziritiri College, Presiding Officer ii) Pi. PC Lalengzauvi, Assistant, Land Revenue & Settlement Department, Asst. Presiding Officer iii) Pi. Lalngaihmawii, LDC, Mizoram Law College, 1^st Polling Officer iv) Pi. K. Lalnunziri, Stenographer, E – in – C Officer, 2^nd Polling Officer

BEST PERFORMING RETURNING OFFICERS: 1. Pu V. Lalengmawia 19 Aizawl South II (ST) AC 20 Aiawl South III (ST) AC Project Director, DRDA, Aizawl  2. Pu James Lalnunmawia 39 Saiha (ST) AC 40 Palak (ST) AC  Addl. DC, Siaha  3. Pu H. Lalhmingthanga 16 Aizawl West II (ST) AC 17 Aizawl West III (ST) AC   Dy. Secretary, SAD and DP&AR (ARW)

BEST PERFORMING ASST. RETURNING OFFICERS 1. Pu H. Lalrinpuia 10 – Aizawl North I (ST) AC Settlement Officer, Aizawl District 2. Pu Lalrinzuala 1 – Hachhek (ST) AC SDO, Kawrthah 3. Pi V. Lalmuanpuii 35 – West Tuipui (ST) AC SDO, Tlabung

BEST PERFORMING PRESIDING OFFICERS

1. Pu Jonathan Lalrinliana  Programme Assistant, KVK, Lawnagtlai  36/39 Longpuighat PS 36/35 Ajasora PS Tuichawng  2. H. Lalrinzuali Teacher, New Light Primary School, Tipa

39/9 Meisavaih West PS  Siaha Constituency 3. Dr. Lalrokima  Chenkual  Asst Director, DM&R Dept. 18/16 Republic I PS Aizawl South I

BEST PERFORMING BOOTH LEVEL OFFICERS

1. Pu Lalthianghlima

Teacher, Govt. Diakkawn High School

5/16 Project Veng

Kolasib (ST)

2. Pu C Lalsangluaia Teacher, Govt. Primary School,

Dungtlang

25/19 – Dungtlang

East Tuipui (ST)

3. Vanlalhruaii Sailo Teacher, Govt. Middle School

Chanmari

12/11 Chanmari IV

Aizawl North III

leh

SPECIAL CATEGORY

1. Pu H. Ramhluna  Inspector of Statistics, CMO Office, Siaha District  2. Pu Alan Lalhriatpuia System Analyst, ICT Department  3. Pu C. Lalrinfela System Analyst, ICT  te an ni.