Vawiin khan DC Conference Hall, Mamitah 9th National Voters Day 2019 chu hman a ni.

National Voters Day 2019 hmanna hunah hian Pu Vanlalngaihsaka District Election Officer/District Bawrhsap chuan Election Commission of India in a duhdan ber chu Roll a chuang tur dik tak te chuan tir a ni a, thi tawh hming paih ngai paih vat leh India khua leh tui vote nei thar turte a hun taka thun luh a ni a ti. Khua leh tui kan nihnaa kan chanvo kan tihtir dik tak kan in hriat thar leha midangte hrilhhretu kan nih theuh a duhthu a sawi bawk. Kum 2018 MLA General Election tluang taka neih zawh taka Sawrkar Department hrang hrang, Tlawmngai pawl hrang hrang leh mipuite thawhhona a zarah hlawhtling taka zawh a ni chu a lawmawm hle a ni a ti a. Kan hma lawka MP Electionah pawh chu thawhhona chu chhawm nung zela thawhpuiah a sawm nghal bawk.

Pu J.Miahlung, Election Officer pawhin thusawiin nikum 2018 September Roll tarchhuah hnuhnung ber atanga punna hi 0.64% a ni a,  Young Voters hi Mamit District chhungah 3165 chauh an awm thu a tarlang bawk. Mamit District Final Electoral Roll 2019 hi thla thar February hian tarchhuah  tum a ni a ti.

National Voter Day 2019 thupui atan hian 'No Voter to be left behind' tih chu hman a ni a, Pu Jacob Lalawmpuia Dy DEO/Addl.DC Mamit chuan Chief Election Commisioner Shunil Arora message mizo tawnga sawizauna a nei a, Pi Mary L.Rodinpuii,SDC -III  kaihruainain Pledge sawi rualna kalkhawm te'n neih a ni. Kalkhawmte atangin thusawi ngaihtlak a ni bawk.

He hun hi Pu HD Lalpekmawia SDO(S) chuan a kaihruaia, Pu Vanlalsawta Project Director DRDA chuan lawmthu sawina a nei bawk.

National Voters Day 2019 ah  hian Mamit khawpui chhunga Sawrkar Department hrang hrang hotute Tlawmngai pawl hrang hrang aiawhte leh sawmbikte an tel a ni.