Vawiin nileng khan District Sainik Welfare & Resettlement Office, Champhai bultumin Zila Sainik Office, Near Selluaia Traffic Point, Champhai Venglaiah Ex-Servicemen leh an chhungte tan Free Medical Camp buatsaih a ni.

FreeMedical Camp hawnna hunah thusawiin, DSW&RO Champhai, Maj Rebecca Chhakchhuak chuan Champhai Ex-Servicemen leh an chhungte harsatna sukiang a an mamawhna zawnah hmalak zel a nih tur thu a sawi a. An hmakhua ngaiin a khat tawka Free Medical Camp nei thei turin Headquarters lam te a dawr zel tur thu a sawi bawk a ni.

Vawiina neih tak Ex-Servicemen leh an chhungte puala Free Medical Camp buatsaih hi   Champhai hmuna a vawikhatna a ni a. He hunah hian Aizawl atanga lokal sipai Doctor Capt. Gaurav Ray leh Medical Staff 10 ten anamahni pantu damlote chu uluk taka enfiahin, Test hrang hrangte an tih sak a, a thlawn vekin damdawi an pe a ni.  

Vawiin hian Naupang,  Nunau leh kum upa lamte thlengin an inentir a. In entir zawng zawng hi an vaiin mi 192 an ni a. Free Medical Camp hi a hlawhtlingin Damlo inentir ten an hlawkpui hle a ni.