Vawiinah khan MLA 6 awmna Committee on Estimates, Mizoram Legislative Assembly chuan Sairang piah Buichali Lei leh Kawnpui khawlai inkar NH 44A kawngpui dung a alkatra luan, tuihawk luankawr leh lungbang rem hna ABCI Infrastructures Pvt. Ltd in a thawh mek an en dik.

Committee on Estimates (COE), Mizoram Legislative Assembly hi an Chairman Pu Lalrinliana Sailo, MLA hova rawn fehchhuak in member dang vawiin a rawn tel te hi Pu Vanlalzawma, MLA; Pu T. Sangkunga, MLA; Pu R.Vanlalvena, MLA leh Pi Vanlalawmpuii Chawngthu te 0an ni a. COE hi NH44A hnathawh mek viltu PWD Engineer te leh he contract hnathawk tu ABCI Infrastructures Pvt.Ltd. officials te bakah sawrkar mi pawimawh ten an tawiawm a ni.

COE chuan he kawngpui July, 2014 a an lo tlawh tum a siamthat tur an tih te bakahCOE rawtna thenkhat contractor ten an zawm tha hle in an hriat thu leh PWD pawh in he kawng siam hna hi a vil tha thawkhat nia an hriat thu an sawi. He Kawngpui dung tluan a tuihawk luankawr te erawh a rang lama thenfai a tul thu an sawi a. Kawngpui sir a tuihawk luankawr chhilha kawng siam te pawh an leivung side drain hnawhkhat tu thenfai tir turin ABCI leh PWD Official te hi an hrilh a ni. NH44a kawngpui dung Kawnpui leh Buichali inkar alkatra luan hna hi zawh thawkhat a ni a, tuihawk luankawr erawh 4 KM aia sei hret thawh zawh a la ni lo a ni.