Committee on Petitions, Odisha Legislative Assembly member 7 awmna a mi panga (5) chuan Ni. 9.5.2015 khan Mizoram a an Committee anpui meeting leh thil sawihona neihpui turin an rawn zin.

Committee on Petitions, Odisha Legislative Assembly Secretariat member te chu :

1.Shri Balabhadra Majhi – Chairman ( a ni hi Tribal ve tho a ni)

2. Shri Shri Debaraj Mohanty, MLA

3. Shri Jyoti Prakash Panigrahi, MLA

4. Shri Devendra Sharma, MLA

5. Shri Anubhav Patnaik, MLA

Hemi ni vek zan lam dar 7:00 ah State Guest House ah Committee on Petitions, Mizoram Legislative Assembly- a memberte – Pu P.C. Zoram Sangliana, MLA, Chairman; Pu R.L. Pianmawia, MLA, Member; Pu K. Sangthuama, MLA; Pu T. Sangkunga, MLA, Member leh Dr. K.Beichhua, MLA, Member te nen meeting neih a ni a, he hunah hian Committee on Petitions kalphung leh kan State a hna thawh dan te sawiho a ni a, Odisha state a he Committee in hna a thawh dan pawh chipchiar taka sawiho a ni bawk. He hunah hian Assembly Secretariat a Committee on Petition staff ten an tawiawm bawk a ni.

Odisha atanga MLA rawn kal te hian Mizoram nuam an tih thu pawh an sawi nasa hle a, boruak nawm zia te, mizo hmeichhia ten mipa ang maia hna an thawk nasa an hmu chu mak an tihzia pawh an sawi a, mipa leh hmeichhia in enhranna awm miah lo mai chu mak an tiin an ngaihsan thu an sawi bawk a ni. Odisha atanga MLA rawn kal te hian Committee on Petitions member te pawh hun remchang hmasa ber a an state tlawh ve turin an sawm nghal bawk.

Odisha MLA te hi nimin Pathianni khan Guwahati panin Mizoram an chhuahsan leh nghal a ni.