175/2025-2026

Lunglei, 2025 Ṭau thla ni 15: Mizoram Legislative Assembly-a Committee on Government Assurances chuan Lunglei District-a Ṭawipui South khaw daia Tourism Department hnuaia Wayside Restaurant sak, hun eng emaw chen kalpui a nih hnua National Highway 54 kawngpui zauh hna avanga enkawl zui theih tak loh chu vawiin khan a hmunah kal chilhin an enfiah.

Spot study visit-ah hian Committee on Government Assurances Chairman Pu V. Malsawmtluanga (Lunglei High Powered Committee Vice Chairman ni bawk) hovin member-te - Adviser to Chief Minister (Finance) Pu TBC Lalvenchhunga, Palak bialtu MLA Pu K. Hrahmo leh Lunglei South bialtu MLA Pu Lalramliana Papuia te an tel a. Mizoram Legislative Assembly Secretariat, Tourism Department, Public Works Department leh Information & Public Relations Department official-te'n an ṭawiawm a ni.

Committee on Government Assurances hian vawiina spot study visit an kalpui aṭanga an thil hmuh chhuahte chu naktuk khian Lunglei HPC Conference Room-ah thlir hovin, an zir chianna leh rawtna an neihte hmangin report an la siam leh dawn a ni.