176/2025-2026

Dated Serchhip, the 14^th April, 2025: Vawiin khan Serchhip DC Meeting Hall ah Chief Minister’s Rubber Mission chungchangah DC Pu Paul L. Khuma kaihhruaiin meeting neih a ni.

DC chuan sawrkar scheme thar Minister’s Rubber Mission chunchanga hmalak dan tur leh a kalpui dan tura stakeholder te inkohkhawm a nih thu a sawi a. State level-ah chuan December ni 16, 2024 ah hawn tawh a ni, a ti.

He Scheme hnuaiah hian Serchhip District ah ram hectare 100 a zauah Rubber hi chin phawt ni se tia ruamhman chhin a ni a. Kumin October thla chhungin beneficiary turte thlang felin November thlaah a hmun tur vah fai tir a ni ang a, senso zawng zawng sawrkar atanga pek tur niin, sum hi NABARD atanga hmuh a ni dawn a ni.

Chief Minister’s Rubber Mission kengkawhtu turin District Level-ah Deputy Commissioner chu Chairman a ni a; District Officer, LR,S&W chu Member Secretary a ni thung. DRDO Project Director, District Agriculture Officer, District Horticulture Officer, Divisional Forest Officer, District Cooperative Officer leh Range Officer, LR,S&W te bakah Rubber Producers Society atangin mi pahnih member an ni.

Serchhip Mat ruamah Zuangleng leh Zawlpuiah rubber hi chin mek a ni tawh a. A hlui lo neih tawh sa cheithatna tur ni lovin a thar hlaka hmalakna tur a ni dawn a. Duh ve satliah mai ni lo, tui tak takte hmalakna tur ni thei se, tiin District Officer Pu C Lalthazuala chuan a sawi a ni.

Vawiin meeting ah hian District Administration hotute, LRS&W official te, DRDO, Horticulture, Soil leh District Rubber Growers’ Society aiawhte an tel a ni.