SSA sum chungchanga chhui fiah tura Mizoram Assembly-in a din Enquiry Committee Chairman Pu Lalduhoma chuan vawiin chawhma khan Committee Report chu Assembly Speaker Pu R.Romawia hnenah a theh lut.

Speaker chuan he Report hi dawngin Assembly session neih leh hmasak berah Committee Chairman Pu Lalduhoma chu House dawhkana pharh tur leh sawizauna hun pawh pek a nih tur thu a lo hrilh nghal a ni. Pu Romawia chuan Speaker a nihna anga Enquiry Committee din hial ngai chu a thil hreh tak a nih thu te, loh theih lova din a nih dan leh Committee pawhin theihtawp chhuaha hun tiam chhunga Report an peih fel thei te, officials lam pawhin tha taka an tawiawm vangtein a lawm thu a sawi a ni.