No.3008/2021-2022

Aizawl, 16th November, 2021 : Mizoram Legislative Assembly hnuaia Financial Committee zinga pawimawh tak pakhat, Public Accounts Committee chuan nimin (November ni 15, 2021) khan C&AG Report of India 2015-2016 behchhanin Agriculture Department hnuaia Bamboo Plantation-a Sorkar hmalakna hrang hrang endikin Seling, Thingsul Tlangnuam leh Sesawng khuate an tlawh a, Assembly Secretariat atangin Pi R.Lalchhandami, Under Secretary leh Pu Vanlalfamkima Sailo, Committee Officer te bakah Forest Department, Agriculture Department leh Horticulture Department atangin Official ten an tawiawm bawk a ni.

Public Accounts Committee vek hian vawiin November, ni 16, 2021 khan C&AG Report of India 2014-2015 a Environment, Forests and Climate Change Department hmalakna hrang hrang bakah Slaughter House, Mualpui leh Zoram Medical College (Falkawn) a Incinerator te an endik a, hemi hnu hian C&AG Report of India 2015-2016-a tarlan Agriculture Department hnuaia hmalakna thenkhat Aloe Vera, Passion Fruit Plantation Saikhamakawn, Melriat, Melthum a mite endikin an kal leh bawk.

Public Accounts Committee-te hi an Chairman Pu Vanlalhlana bakah Pu Ramthanmawia, Pu Lalrinsanga Ralte leh Dr. Vanlalthlana te an ni a, AH & Vety Department, Pollution Control Board leh Forest Department-te bakah Mizoram Legislative Assembly Secretariat-a official ten an tawiawm a ni.