No.3007/2021-2022

Aizawl the 16th November, 2021: Kumtin Krismas leh Kumthar vuakvet laiin halpuah leh halmawi hal a nasa thin a, hei hian boruak thalo leh bengchheng siamin míhring hriselna a khawih pawi theih bakah kangmei tichhuakin mipui tan harsatna a siam thei thin a ni. Chuvangin, mipui hriselna venhim anih theih nan khapna thupek chhuah a tul a. Krismas leh Kumthar him leh thlamuang taka mipuiten an hman theih nan District Magistrate, Kolasib District, Kolasib chuan Sec-144 of Cr.PC,1973 (Act No.2 of 1974) in thuneihna a pek angin, a hnuaia mi ang hian thupek a chhuah.

“Kolasib District huamchhungah Krismas 2021 leh Kumthar 2022 vuakvetah- Halpuah, halmawi leh puakthei thil dang, boruak thalo siam thei leh ri bengchheng siam thei chi reng reng lakluh, zawrh, hralh, hal leh hman khap tlat a ni”

Khapna thupek hian a bika phalna pekte erawh a huam lovang. He Thupek hian thu leh awm hma chu puan a nih atanga thlahnih(2) chhung a huam ang.

Khapna thupek hi 12th November, 2021 khan court seal-a nemnghetin hming a ziah hnan a ni.