No.7421/2020-2021

Vawin khan Mizoram Legislative Assembly Speaker Pu Lalrinliana Sailo hovin Deputy Speaker Er. Lalrinawma, Chief Secretary Pu Lalnunmawia Chuaungo leh sawrkar official pawimawh dang ten Seventh Session of Eight Legislative Assembly lo awm turah hripui laka himna tur ruahmanna an thlir ho.

Mizoram Legislative Assembly Speaker Pu Lalrinliana Sailo chuan Budget Session February 23 a neih tan turah MLA rual te leh official zawng zawng te hrileng COVID-19 laka an him theihna turin ruahmanna siam a ngaih thu a sawi a. He session pawimawh tak lo awm turah him leh tluang taka rorel a nih theih nan Chief Secretary hovin a kaihhnawih department hotulute kohkhawm an nih thu a sawi a ni.

Vawiin meeting-ah hian hripui laka him nan Standard Operating Procedure duan dan tur te, Assembly Hall chhungah MLA te thuthmun rem dan tur te, session-a tel tur zawng zawng COVID-19 test paltlang tir an ni dawn em tih te leh tul dang te an rel a ni.


Attachment

  • Loading attachment...