No.7422/2020-2021

Tukin khan Serchhip District chhunga (Zeng hri danna pek) Intensified Pulse Polio Immunisation Programme 2021 hawnna Health Sub Centre, New Serchhipah neih a ni a, Bawrhsap Pu Kumar Abhishek, IAS chuan hmanpuiin, naupangte chu hri danna a eitir nghal a ni. 

Dr. Laldawngliana Sailo, Chief Medical Officer chuan Zeng hri chu India ram atanga umbo a nih tawh thu leh; kan ram thenawma a la awm avanga inven zui zel nana vaccine te chu kalpui zel a nih thu a sawi a. District chhung khaw tinah Booth siam niin, booth 73 ah tukin atang hian pek tan an ni a, ASHA te, Anganwadi Workers te leh Health Department thawktute tang hovin a dawng tur naupang ten kim taka an dawn ngei nan ruahmanna siam a nih thu a sawi a. Booth-a la ve lo te pawh an ina kalchilhin pek vek tura ruahmanna siam a nih thu a sawi bawk. 

He hunah hian Dr. Lalhlunpuii, DIO leh Pu Lalbiakliana, CDPO Serchhip leh tawktu dang te an tel a ni.