No.7423/2020-2021

Vawiin atang hian Kolasib district chhung ah Intensified Pulse Polio Immunization, Zen hri danna pek beihpui chu neih tan a ni a, Kolasib district chhung a naupang kum 5 hnuai lam 8,768 te hnenah zeng hri danna hi pek tum a ni.

Chief Medical Officer's Office, Kolasib district ruahmannain Kolasib district a naupang kum 5 hnuai lam 8,768 te hnenah zeng hri danna hi pek tum a ni a. Hemi tihlawhtling tur hian hmun hrang hrangah thawktute insem darhin Booth 107 siam atangtein hri danna hi pekchhuah a ni a. Diakkawnah transit booth siam bawk niin District hospital atangte pawhin pekchhuah bawk a ni. Kolasib district chhungah hian kalpawh harsat deuh bikna khua 5 awmin, heng khua a hri danna pe tur hian naktuk hian thawktute an kal dawn a, hemi bakah hian a tul dan a zirin hri danna hi Home visit anga kalpui a ni dawn bawk a ni.