Nimin khan Mizoram Legislative Assembly a Subject Committee III te chuan Dampa Constituency chhunga school hrang hrang te tlawhin, SSA, Mid day meal leh RMSA Scheme hnuaia hmalakna hrang hrang te chipchiar taka enin, zirtirtu te nen in kawmna an nei a. Sawrkar laipui atanga zirlaite hamthatna scheme hrang hrang lokal te chu a nihna tur ang taka hman a nih theih nan tan la turin zirtirtu te chu fuihin, Department lam hotute pawh enzui thin turin an chah a ni.

Subject Committee III Chairman Pu Lalrobiaka leh member pahnih, Pu Hmingdailova Khiangte leh Pu K.Liantlinga te an kal a, Assembly atangin Pu H.Lalrinawma,Deputy Secretary, Pu Lalthanzama,Under Secretary leh Pu Lalthangmawia,Committee Officer ten an tawiawm bakah School Education hotute, SSA, Mid-day meal leh RMSA lama mawhphurtu Officer eng emaw zatin an tawiawm bawk.

Subject Committee III te hian vawiinah Aizawl South I Constituency huam chhunga School hrang hrang te an tlawh leh bawk a ni.