Vawiin chawhnu dar 2:00 khan Serchhip DC Conference Hall-ah UD&PA buatsaih SJSRY kaltlanga BPL member Furniture Workshop leh Puan Thui (Tailoring) zir chhuak mi 39 te hnenah Certificate leh an hmanraw mamawh te hlan an ni a, he inkhawm hi District Bawrhsap Pi Juhi Mukherjee, IAS chuan khuallian niin a hmanpui.

District Bawrhsap chuan trainee te chu mahni kutkawiha eizawnna pawimawh zia leh ngaihsanawmzia a hrilh a, Sawrkarin an hamthatna tura hmachhawp a siam sak te chu uluk taka zawm turin a chah bawk a, cooperatives leh self-help group te pawimawh zia uar takin a sawi bawk.

Vawiin inkhawm kaihruaitu Pu ST Lalhmingmawia, DPO (SJSRY) chuan SJSRY hnuaia BPL Training hi Serchhip ah a vawihnihna anih thu a sawi a, kum kal ta chhung khan BPL te tan hmun hrang hrangah inhlawhna siam sak an nih thu leh mihring tha 979 chhawr anih thu leh tangka fai Rs. 1,90,280 sen anih thu a sawi a, hemi chhung hian Self-Help Group 7 hnenah tanpuina Rs. 1,75,000 (25,000x7) sem a ni a, Urban Self-Employment Programme (USEP) hnuaiah loan Rs. 6,74,000 mi 18 hnenah pek a ni bawk.

SJSRY kaltlanga BPL member ten eizawnna kawng an dap theihna tur kawng kawhhmuhna tur atana training buatsaih hi Serchhip District ah chuan a vawihnihna niin thla ruk course (July 2012 - December 2012) a ni a, , tun tumah hian Furniture Workshop leh Puan Thui (Tailoring) ah te training neih a ni a, Furniture Workshop ah hian mipa 9 inziaklutintraining centre thlan bik 3 ah sem darh an ni a, Tailoring ah hian hmeichhia 30 in training centre 4 atangin hlawhtling takin training an zo thei a ni.

Trainee ten thla tina an stipend dawn tur Rs. 500/- chu Department in khawl sakin an training chhuahrual a an chhawr zui theih tur khawl (sewing machine) leh Electronic Randa a lei sak a, hengte hi vawiin hian trainee te hnenah hlan nghal an ni.

Puan Thui zirchhuakte hman tur Puan Thui khawl 30 lei nan Rs. 1,06,500/- sen niin, Dawhkan 30 lei nan Rs. 45,500 (1500x30) leh Plastic Stool 30 lei nan Rs. 7500 (250x30) sen a ni a, Furniture Workshop Trainee te hman tur Electronic Randa 9 lei nan Department-in Rs. 25,200/- (Rs 2800x9) a seng a, stipend lak theih zat atanga paihin Furniture Workshop Trainee te hian balance Rs. 200/- theuh an hmu let leh bawk a ni. T

raining na atana senso zawng zawng belhkhawm chu Rs. 3,32,500/- a ni.

Tun dinhmunah Serchhip khawchhung ah hian BPL chhungkua 1017 awmin member 4381 an awm mek a ni.