Khawbung community hall a public information campaign inhmuhkhawm vawiin a neih hi Champhai DC Pu Lalthangpuia Sailo in khuallian angin a hmanpui a. Pu Lalthangpuia chuan sawrkar laipui hmalakna hrang hrang te chu khawtlang in an hlawkpui thin thu a sawi a, vawiin neih PIC pawh hi a chhawr tangkai tur te chu mipui te an nih thu a sawi.

Inhmuhkhawmna ah hian PIC Core Committee Chairman Pu Mangjangam Touthang chuan khua leh tui than kan nih theih nan sawrkar laipuiin hmalakna hrang hrang a nei a, heng te hi hmasawnna ngial nghet kan neih theihna tur ani tiin mipui te kutah a in nghat ani a ti.

Chawhma hun zawh anih hnu hian mipuite zawhna chhangin in hrilhriatna hun neih a ni. PIC inkhawm neih anih lai hian khawbung thenawm Dungtlang ah a thlawna in entirna NRHM in an buatsaih a, Dungtlang High School leh Govt Lianchhiari Middle School ah te essay intihsiak buatsaih a ni a, Champhai District Dy DPC, SSA Pu Lalhminghlua'n SSA leh Mid-day Meal chungchang zirtir an ni bawk.

Kum 2006 atang khan Public Information Campaign hi Mizoram khaw hrang hrang ah neih thin a ni.

PIC neihnaah hian ADG, Doordarshan Kendra, Aizawl Pu C. Lalrosanga'n a hmanpui a, kawng hrang hrangah India sorkarin Mizoram a ngai pawimawh a, hna hi a nih tur anga tha taka kan thawh chuan kan hmasawnna tur hian sum sen a ui lo a ni a ti.