Chief Minister Pu Lal Thanhawla chuan nizan khan a chenna bungalow-ah, sorkar ang nilo, a mimal pual( private informal dinner) in Serampore College ina Convocation, Academy of Integrated Christian Studies, Tanhrila an neih tura lokal Senators leh Board Member mi 100 vel te pualin zanriah a buatsaih sak.

Zanriah buatsaihna a inkhawm tawite neihah Chief Minister chuan Serampore College in Mizoramah ngei Convocation an hmang tur chu ropui a tihthu sawiin hotu lokalte chu thinlung taka alo lawm thu a sawi a. Mikhual lokalte chuan Pu Lal Thanhawla’n Mizoramah remna leh muanna a awm theihna tura a inpekna chu a ropui tak meuh a, khawvel hmun tam taka remna a awm theih nana entawn tlak a tling hle a ni an ti. Mikhualte hian Chief Minister te nupa hnenah thilpek an hlan bawk a ni.

Serampore College puipa deuh lokalte hi Master, Rt.Rev.Dr.John S.Sadananda, President, Rt Rev Dr. Isaac Mar Philoxenos Episcopos, Registrar, Rev Dr. Ravi Tiwari, leh Secretary Prof.Dr.Laltluangliana Khiangte an ni a. Zanin dar 7 -9 hian lawmna celebration inkhawm neih a ni ang a, he hunah hian Chief Minister Pu Lal Thanhawla chu khuallian a ni ang.

Naktuk chawhnu dar 4 - 7 PM ah Convocation neih a ni ang a, chuta degree la tur mi 350 vel lo thleng tura beisei an ni. Degree pek turte hi DD.,D Th., M Th., B.D., BCS., Dip. CS te a ni.